| 難得七月中放兩個星期大假...即使九月要考試;即使盛夏天氣炎熱;我也決定要踩一轉長途單車. 九龍冇乜地方好踩, 新界地方也踩得七七八八. 屯門, 元朗, 林錦, 荃錦, 大埔, 沙田, 西貢, 上水, 新娘潭,沙頭角, 打鼓嶺, 馬騮山, 城門水塘, 都踩過.... 一於攪攪新意思, 打電話去渡輪公司問過 ,原來九龍城可以載架單車上船去北角(載貨費hk$6.9).今次一於玩o下單車板電車 go 先.... | |
| 7月14日 | 14:00收工後, 由屯門踩單車返大圍 |
| 7月15日 | 天陰陰, 唔出車 |
| 7月16日 | 1 號風球, 落雨, 唔出車 |
| 7月17,18日 | 落雨落成日, o係屋企坐足兩日 |
| 7月19日 | 見下午天陰冇雨, 由大圍出發, 行徑口路-> 大埔道 (到馬騮山落大雨) -> 呈翔道 -> 哥和老街 -> 聯合道 -> 馬頭圍道 -> 入九龍城碼頭 -> 坐船去北角 -> 電車路去魚則魚涌 .放架車o係朋友屋企, 坐車返大圍全程約兩小時 |
| 7月20日 | 又落雨........ |
| 7月21日 | 朝早冇雨喎,
約了兩個港島朋友,玩o下單車板電車go... 我們相約在摩頓台集合. 其中一個朋友住香港仔, 他行南風道, 黃泥涌峽道去銅鑼灣, 個朋友話踩到山頂時 落大雨, 伸手不見五指, 行雷+閃電.....即使停車避雨, 到摩頓台時仍然成身摘水. 還掂出到黎, 都踩去中環行個圈啦.踩到一半, 個天黑得好恐怖, 又落雨啦..一路踩, 電車路的污水上晒背脊, 件衫直情"楂"得出黃泥水. 終於返到魚則魚涌 泊車, 遲o下再玩. |
 | 7月23日, 早上在朋友quarry
bay 家中取回單車, 與另一朋友沿電車路踩單車. 左圖攝於中環匯豐銀行總行電車路. 過西港城後, 我們行皇后大道中, 皇后大道西,
沿薄扶林道上山.
|
 | 薄扶林道上港大一段較難行,
路窄較斜, 宜多在中途休息, 切勿勉強行車.
左圖攝於薄扶林道, 圖中可見我們已踩入南區範圍.
|
 | 離開瑪麗不久後, 便進入令人興奮的落斜路段.路平,
路闊是落斜的最佳選擇. 過足癮後, 我們經隧道進入華富村. 好彩已減慢車速,否則極有可能在隧道彎位越過雙白線, 迎面撞向170號的金色巴士.
入華富兜圈後, 大家都覺得係時候返屋企. 我朋友住香港仔, 好近o者.... 我要返屯門...有牌踩囉......
左圖攝於華富村其中一個巴士總站.
|
 | 我在12:30離開華富,
進入沿海興建景色不錯的域多利道.
由華富往西區的域多利道非常好踩, 經過小量上斜路段後便是落斜. 用左12分鐘到達堅尼地城.
之後沿電車路踩, 見電車埋站即切入左線[手八]電車頭, 有得[手八] 頭的電車go,好玩..... 25分鐘到港澳碼頭. 53分鐘到北角碼頭,坐13:30開的渡輪過海.
左圖攝於船上. |
 | 13:47於九龍城碼頭上岸,
經馬頭角街, 盛德街, 聯合道,哥和老街, 澤安村天橋, 呈翔道, 進入大埔道.
左圖攝於大埔道旁的金山郊野公園 |
 | 左圖攝於大埔道, 背景是大圍. |
 | 15:15抵達大圍.
雖經過屋企樓下, 但冇返屋企, 繼續旅程.
用左40分鐘由大圍踩到大埔. 上同事屋企放低d 野後, 經大窩西, 上林錦, 落林錦, 錦上路, 錦田公路, 青山公路, 終於到屯門啦..... 時間為18:25分. 即係用左5小時55分由華富踩單車番屯門. 途經港島, 九龍, 新界東,西, 路程約 70 公里.
左圖攝於林村許願樹. |