Internet 殺人事件 - 外篇一

以下故事, 純屬虛構, 如有雷同, 開 辯證會 告我 o丫 笨 ;P


燒黃紙 正在打電腦, 突然接到電話.
(喂! 燒黃紙 o係 hall, 間房唔係冇電話 o架咩﹖)
(聽故唔好駁故!)

燒黃紙 : 喂﹖ 邊位﹖

腦 首  : 係老朽呀!

燒黃紙 : (一呆, 唔慣接電話) 腦首兄﹖ 搵我乜事呢﹖

腦 首  : 冇. 最近想開個長篇, 諗住搵你客串 o下 o者.

燒黃紙 : (受寵若驚, 強作鎮定) 長篇﹖我好忙喎, 冇乜時間 o架 喎.

腦 首  : 唔使驚. 你冇乜戲份 o既. 唔會阻你好多時間.

燒黃紙 : (有冇攪錯﹖ 冇乜戲份﹖!) 唔....

腦 首  : 唔好唔...啦! 雖然冇乜戲份, 但係好大發揮的. 第二個想做
         我都唔俾, 係要留俾你做呀! 你唔做就走寶了!

燒黃紙 : (好大發揮﹖ 係真唔係呀﹖) 咁套長篇講乜的﹖

腦 首  : (仲唔呃到你個傻仔落撘!) 套長篇係依家時下最流行 o既 偵
         探故事, 加埋最 in o既 internet.

燒黃紙 : 係﹖ 咁我做乜角色呀﹖

腦 首  : 你個角色呢, 就要做內心戲 o既.

燒黃紙 : (你係想話我冇對白下話﹖) 咁即係乜角色 o者﹖!

腦 首  : 係... (照直講佢會唔會肯呢﹖) .. 係... 屍體!

燒黃紙 : (有冇搞錯! 我咁靚仔, 咁好演技, 叫我做屍體!﹖)
         ar.... o里 咁有深度 o既 角色, 我都好想做,
         不過我驚做唔 o黎, 你試下叫 縱慾家 去做啦...

腦 首  : (死仔! 想推我咁話啦喎!﹖) 縱慾家都好想做 o里 個角色
         o架. 不過, 我覺得佢更加適合做變態殺手, 所以唔俾佢做.
         其實 o里 個角色真係好正 o架. 又唔使郁. (一出場就死嘛!)
         又有利是....

燒黃紙 : (利是﹖!) 利是﹖

腦 首  : 係呀! 做得屍體, 梗係要收番封利是先 o岩 意頭.

燒黃紙 : (咁又唔同.) 就咁. 我就唔會話為封利是 o既.
         不過, 既然個角色咁有挑戰性, 我都想做下.
         
腦 首  : 你肯做就至好啦. (傻仔, 仲唔上當.)

燒黃紙 : 咁....咁幾時收到封利是呀﹖ 就咁. 唔係話我貪封利是.
         不過意頭 o里 o的 o野, 點都要有 o既.
         (冇利是想我做﹖ 好難啦!)

腦 首  : 無問題. 咁我即刻寄俾你啦.

燒黃紙 : 寄俾我﹖ (唔通...)

果然...
燒黃紙 個 MON. 真係出現 "You have new mail".....

「
        To: 燒黃紙
        From: 腦首
        Subject: 利是

                利利是是!!
                (你中計啦, 傻仔.)

                                        」

燒黃紙 : 你..... (嘔血....)

就咁, 唔多玩得 o既 燒黃紙 就俾 腦首 激死 o勒!

                (玩 完)