(12) 對講機

拿了新的玩具出來，給其他村童看，對講機是也，正玩得興高采烈，
突然多了一把聲音出來，哇，不得了，原來村尾也有人買了一對，一
式一樣，四部一起玩，開心到無得彈。
有時會收到同好： "沙田火雞叫大白鯊"
有時會收到的士： "頭先條女好正呀"
有時會收到差佬： "有不明電波"，多數一聽呢句就關機，哈哈！
試過一次離遠見到一架直昇機，果陣時讀天主教學校好乖，但一返到
村就唔同，同o的村童玩，唔講粗口唔得，十個字o既粗口記到熟晒，
居然收到架直昇機既對話（有班細路玩對講機喎，細路唔駛理啦），
哈哈，比我地知道你收到仲唔死， 四部機十個字o既粗口一齊發射，
架直昇機初時冇反應， 點知原來兜過大圈之後， 係我地頭頂出現，
嘩，o的風吹到你個身果隻，嚇到雞飛狗走呀。