(5) 好勇鬥狠，鬥魚、螳螂

之前寫既坦克、氣槍、超人，睇既，玩既都係打打殺殺，想想下真係
要問下"神"做人出來係唔係特定有缺點，定"神"能力有問題，總之大
部分人都係咁。鬥魚未算刺激，放條鬥魚比朱仔魚食仲好玩，我地鬥
魚鬥生死，輸那條不是給朱仔魚就是給食人倉，放側魚同朱仔魚打就
冇咁殘忍，那次放條塘虱比食人倉(30條)，嘩！一舜間剩下頭骨。住
山玩山，金絲貓、紅孩兒、老篤，一捉就20多隻，又係打餐死，螳螂
更好玩，有一些就更難得一見，蜻蜓跟黃蜂在空中纏鬥(一群)，咁大
個人都係見個一次，其實人係好勇鬥狠好正常，就算你自己唔鬥都鐘
意睇， 有一次兩條村各一隻狗"行埋"分唔開， 攪到兩村30多隻狗大
戰，村民用木棍，水侯，滾水等驅趕，但更多人在睇野打氣，我呢？
鎖好地堂門都打開，因見自己兩隻狗狂吠想幫拖，我打氣更狂叫。人
係咪好勇鬥狠？